Prosalong i Tromsø: Norsk litteratur i Nazi-Tyskland

Under den andre verdskrigen var norsk litteratur den største omsette litteraturen i Tyskland. Bak bestseljarane Knut Hamsun og Trygve Gulbranssen var det over hundre norske forfattarar som blei eller prøvde å bli publiserte på tysk i åra 1933–1944. Få av dei var nazistar, nesten ingen snakka om det etterpå. I eit transnasjonalt, tysk-norsk perspektiv er det ein slåande kontrast mellom motstand mot okkupasjon og nazifisering heime og vilje til å samarbeide med det nazistiske litteratursystemet ute. Det ideelle argumentet for å handle med Tyskland var å forsyne ikkje-nazistiske forleggjarar og lesarar med god omsetjingslitteratur. Men det var alltid følgt av økonomiske omsyn, og utsiktene til sal og inntekter kom ofte til å vege opp for politiske og moralske motførestillingar.

Narve Fulsås er professor emeritus i historie ved UiT Noregs arktiske universitet. Han har skrive ei rekkje bøker om kulturhistorie, vitskapshistorie, bokhistorie og nordnorsk historie. Dei siste åra han mellom anna forska på norsk litteratur i utlandet, og forfattarane Henrik Ibsen og Tarjei Vesaas.

Kjetil Jakobsen er professor i intellektuell historie ved Nord universitet i Bodø. Han forskar på nyare fransk, tysk og norsk intellektuell historie, er spaltist i Morgenbladet og har gitt ut ei rekkje sakprosabøker.

Velkomen! Gratis inngang.